Алия Гаязова автор яңалыклары
-
Ул укучыларының күңел җылысын тоеп яши
38 ел укытучы булган Рема апаның күпме укучыны хәреф танырга, ручка тотып язарга өйрәтүен күз алдына китерүе дә авыр. Алар бихисап... Әнисе, апасы да укытучылар. Шуңа да балачакта, кем булырга, дигән сорау, гомумән, аңарда тумый. Әлбәттә, укытучы!
-
«Аллаһ шулай язган, башка хәсрәтләр күрсәтмәсен»
Күгешкә килгәч, берәр мәсьәләгә ачыклык кертәсе булса, авыл җирлеге башлыгы Альберт Гатауллин Айдарда яшәүче Юныс абый Гарифуллинның да фикерен белеп китегез әле дип, аның янына алып керә. Авылның аксакалы Юныс хәзрәт һәрвакыт үз сүзен үтемле итеп әйтә торган кеше. Бераз кырысрак та булып күренгән иде, ялгышканмын. Бу юлы Гарифуллиннар гаиләсенә килгәч, мин аны бөтенләй башка яктан ачтым.
-
65 елдан артык бергә гомер итүче Ганиевлар: «Бер-береңне аңлау, кирәк чакта юл куя белү мөһим»
Кеше тормышында иң зур бәйрәмнәрдә теләк теләгәндә сәламәтлек һәм тигез картлык насыйп булсын, диләр. Бу сүзләрнең мөһимлегенә еллар уза барган саен ныграк инанасың. Чынлап та, урамда өлкән яшьтәгеләрнең парлашып йөрүләрен күргәч, күңелеңнән: «Эх, безгә дә тигез картлык язсын иде», – дип хыялланасың. Яшьлектә кавышкан ярың белән гомер буе иңне-иңгә куеп яшәү нинди зур бәхет бит ул! Моның шулай булуын пар канаты каерылганнар бик яхшы аңлый.
-
«Яшел Үзән»гә – 30: Юбилей якын дусларын җыйды
Ул көн җитте. Әле кайчан гына «Яшел Үзән»ебез 25 еллыгын гөрләткән иде, вакыт кай арада уза икән, тагын биш ел өстәлде. Районыбызда нәшер ителүче бердәнбер татар газетасы, шөкер, атна саен укучыларына иң кайнар, төгәл яңалыкларны, кызыклы, файдалы язмаларны җиткереп, район белән шәһәр, халык белән җитәкчеләр арасында күпер ролен үти.
-
Гөлнара Шакирова: «Кызым диеп яшим»
Районыбызда гыйбрәтле, ачы язмышлы гаиләләр бихисап. Аларның һәрберсенең дә үз тарихы, үз тормышы, үз кыйбласы. Язмыш дигәннәре кырыс сынаулары белән әле утта көйдереп, әле бозлы суларга салгандай итеп сындырырга теләсә дә, авырлыкларга йөз белән басып, башын имичә, рухын сындырмыйча кыенлыкларны җиңеп, үргә күтәрелергә көч табучылар, шөкер, арабызда бар.
-
Ислам динен үстерүдә яңа бурычлар билгеләнде
Бакырчыда имамнар һәм мөгаллимәләр җыены узды.
-
Илнур кайтты, китмәскә дип кайтты
Олы Ачасыр халкы батыр улын соңгы юлга озатты.
-
Мөслимә апа Нигъмәтуллина: «Күпме хәсрәт кичерсәм дә, мин бәхетле!»
Язмыш сынауларын күп кичердем. 1998 елның августында – ирем, ә 1999 сентябрендә улым Таһир үз тракторын төзәткәндә тапталып үлде. Җиде елдан Зөфәр исемлесе декабрь аенда бозга төшеп китте. Бала хәсрәте күрергә язмасын, бик авыр...
-
Авырлыклар гаиләне чыныктыра гына
Колхоз-совхозларның юкка чыгып таркалуы күпләрне билгесезлектә, юл чатында калдырды. Туган авылыңда гөрләп торган совхоз бетерелгәч, иртәгәсе көнгә ышаныч та юкка чыга. Кая барырга, алга таба ничек җан асрарга, дигән сорау күп гаиләләрнең ишеген шакый. Хәтта кайберәүләр, кечкенә балаларын калдырып, читкә китәргә мәҗбүр була. Бәхет эзләп түгел, ә кешечә яшәү теләге шундый адымга этәрә аларны. Резидә һәм Фидәрис Шиһаповлар да биш еллап шәһәр белән авыл арасын таптый...
-
«Авылда калганыма һич үкенгәнем булмады» - Фәридә Корбанова
Бер-берсен ярты сүздән, күз карашыннан аңлап, пар канатлар булып яшәүче гаиләләр белән районыбыз авылларында еш очрашабыз. Күпме авырлыклар, сынаулар кичереп тә, гаилә кыйммәтләрен саклап, башкаларга да үрнәк булып гомер итүчеләргә сокланабыз. Кече Карагуҗадан Фәридә һәм Хафиз Корбановлар да нәкъ менә шундыйлардан.
-
Кадрилә Рәхмәтуллина: «Тормыш авыр булса да, белем алу теләге көчле иде»
Бүгенге язмам герое сөйләгәнне сәгатьләр буе йотлыгып тыңларга була. Үткән тормышын энәсеннән җебенә кадәр белә, елына, көненә тикле. Вәт хәтер, дип сокландык. Без – яшьләр, бу яктан күпкә калышабыз шул.
-
Күңелдә – җәй, ә басуда көз исе: Яшел Үзән район кырларында урып-җыю гөрли
Соңгы атнада көннәрнең эссе торуы авыл хуҗалыгы хезмәтчәннәре өчен кулай. Аларның бер күзе – кырда, икенчесе телефонда һава торышына фаразны күзәтүдә. Бөртекле культураларны югалтуларсыз вакытында җыеп алу төп бурычларның берсе.
-
«Таянырлык ир-атларыбыз юк. Әти дә, ирем дә...» - Венера Низамова – 5 бала әнисе
Әйе, ана булу – иң зур бәхет! 9 ай йөрәк астында йөртеп, мең газаплар кичереп, дөньяга тудырган сабыеңнан да кадерлерәк, якынрак кеше бармы икән?! Нәкъ менә ана булган көннән хатын-кызның йөрәге “балам” дип тибә башлый. Тормышка да башка күзлектән карарга, гомумән, яңача яши башларга өйрәнәсең. Чөнки шушы дөньяда яшәвеңнең мәгънәсе – балалар. Бүгенге язмам герое 29 яшьлек Венера Низамова – 5 бала әнисе.
-
Фәндияр Гыйльманов: «Яшел Үзән» гомерлек юлдаш булды»
Югары Урысбагада гомер итүче Фәндияр абый Гыйльманов һөнәре буенча укытучы да, язучы да түгел. Гомере буе колхозда эшләгән тырыш якташыбыз ул. Шулай булса да, район газетасыннан аерылганы юк аның.
-
Таш каладан буш яланга: Цивилизацияне малларга алыштырып буламы?
Ялан кыр уртасында өр-яңадан тормыш башлауны күз алдына китерәсезме? Берни юк, буп-буш җир. Нәкъ менә ике ел элек Бишнә авылы янындагы басуга Габделвәлиевләр гаиләсе Осиноводан кайтып төпләнә.