Сәламәтлек булганда, бакчада эшләү берни түгел, түшәмгә яисә стенага карап ятудан Аллаһ сакласын!
Яшел Үзәндә күршебездә Әзербәйҗаннан кайткан гаилә яши. Аларның тырышлыкларына исең китәрлек.
Шул кечкенә генә җирдә ниләр генә үстермиләр. Җиләк агачлары гына да берничә төрле, яшелчәләрнең барысын да утырталар һәм һәммәсе дә гөрләп үсә. Боларга безнең әниләрнең авыл бакчасын бирсәң нишләрләр икән, дип уйлыйм. Ә авылда күпләр бакчаларын ташлап, печән, яисә алабута үстерә. Имеш, башны аска, арт якны өскә каратып, чиләнеп ятмыйбыз әле, диләр. Нәрсә генә әйтсәләр дә, үзең үстергәнгә җитми инде. Менә теплицада кыярлар өлгерә башлады. Рәхәтләнеп, авыз тутырып ашыйбыз бит. Ә тәмееее... Кибетнеке бер якта торсын. Сәламәтлек булганда, бакчада эшләү берни түгел, түшәмгә яисә стенага карап ятудан Аллаһ сакласын!
«Әйтәм әле» рубрикасына килеп ирешкән хат.
Кадерле укучыларыбыз! Сез дә, борчыган проблемаларыгыз турында 5-68-03 телефонына шалтыратып, редакциябез хезмәткәрләре белән бүлешә аласыз.
Следите за самым важным и интересным в Telegram-каналеТатмедиа
Нет комментариев