Казан үзәгендәге коточкыч юл-транспорт һәлакәте аркасында кеше гомере өзелгән

Porsche автомобилен йөртүче тизлекне арттыра, идарәне югалтып, каршы як полосага чыга һәм «Лада Гранта» машинасы белән бәрелешә. Кадрларда "Гранта" машинасының хәтта очып китеп медуниверситет бинасының коймасына килеп керүе күренә.

Юл-транспорт һәлакәте нәтиҗәсендә, 39 яшьлек "Гранта" машинасын йөртүче урында һәлак була. Porsche йөртүчесе Василий Барнабишвили хастаханәгә озатыла. Аның "Картли" ҖЧҖнең элеккеге гамәлгә куючыларының берсе булуы билгеле. Спорткар да нәкъ менә шушы компания исемлегендә теркәлгән.

Машина йөртүчене ике шаһит ярдәмендә ачыклый алганнар. Сүз уңаеннан, соңгы 2 елда ул юл йөрү кагыйдәләрен бозган өчен җаваплылыкка тартылган була.

Юлларда игътибарлы булыгыз, куркынычсызлык кагыйдәләрен үтәгез!