Сәламәт тормыш рәвешен пропагандалау атналыгы: 6-12 апрель

Бөтендөнья сәламәтлек саклау оешмасы (ДССО) инфекцияле булмаган авырулар 70% очракта вакытсыз үлем сәбәбе икәнен раслый, шуңа күрә халык сәламәтлеген ныгыту – сәламәтлек саклауның актуаль проблемаларының берсе, аның мөһим аспекты сәламәт тормыш рәвеше (СТР) булып тора.

СТР, ДССО билгеләмәсе буенча – табигый һәм социаль тирәлек факторлары тәэсирендә, кешенең сәламәтлекне саклау һәм ныгытуга юнәлдерелгән мотивлаштырылган тәртибе белән билгеләнгән оптималь тормыш сыйфаты.

Күпсанлы тикшеренүләр күрсәткәнчә, СТР нигезләрен үтәү (даими физик күнегүләр, зарарлы гадәтләрдән баш тарту, сыйфатлы файдалы туклану, стресс белән идарә итү) организмны гомумән, һәм аерым алганда йөрәк-кан тамырлары системасын савыктыруга китерә.

Барлык яшь төркемнәрендә сәламәтлек белән бәйле күп проблемалар куркынычы кими: сәламәт кешеләрдә һәм шушы авырулардан интегүчеләрдә барлык сәбәпләрдән үлем очраклары һәм йөрәк-кан тамырлары авыруларыннан үлем.

Сәламәт тормыш рәвешенә тугрылык индексы түбәндәге индикаторлар/компонентларны үз эченә ала:

• тәмәке тартмау;
• көн саен 400 г ким булмаган күләмдә яшелчә һәм җимешләр ашау;
• адекват физик активлык (атнага ким дигәндә 150 мин уртача яки 75 мин интенсив физик активлык);
• тозны тәүлегенә 5,0 г арттырмыйча куллану;
• спиртлы эчемлекләрне атнага ир-атлар өчен 168 г чиста этанолдан, хатын-кызлар өчен 84 г арттырмыйча куллану.

Сәламәт тормыш рәвешен алып барган кешеләр барлык сәбәпләрдән үлем куркынычын 39% киметә.

Валерия Феоктистова, Яшел Үзән медицина профилактикасы үзәгенең гигиена табибы