Помидор үсентеләрен дөрес утырту: тәҗрибәле бакчачылар киңәшләре

Фото: ясалма интеллект

Күчереп утыртканда үсентеләр стресс кичерә, шуңа күрә аларга тизрәк тернәкләнеп, нык тамыр системасы формалаштыру өчен ярдәм кирәк.

Искәрмә: помидор куагын утыртасы чокырга рәттән бөтен нәрсәне салырга ярамый. Кайбер матдәләр үсемлеккә зыян гына китерергә мөмкин.

Помидор чокырына НӘРСӘ САЛЫРГА ЯРЫЙ?

Әгәр сез помидор үсентеләрен утырту алдыннан чокырны дөрес әзерләсәгез, үсемлекләр тиз тамырлана һәм авыруларга чыдам була. Түбәндәге органик ашламаларны кулланырга рөхсәт ителә:

• Черемә яки компост (якынча 2 уч) – туфракның структурасын яхшырта, аны көпшәк һәм уңдырышлы итә. Череп, тамырларны тукландыручы органик ашлама чыганагы булып тора.

• Агач көле (1–2 аш кашыгы) – калий, фосфор һәм кальцийга бай. Үсемлекләрне гөмбәчек авыруларыннан саклый, туфракның әчелеген киметә.

• Йомырка кабыгы (1 уч) – помидорларның черүен булдырмаска ярдәм итүче кальций белән тәэмин итә. Кулланганчы кабыкны төеп, порошок хәленә китерегез.

• Суган кабыгы (әз генә) – табигый фитонцидлар эченә ала, алар тамырларны гөмбәчекләрдән һәм вак суалчансыман кортлардан саклый.

• Бер уч кипкән яки бер кисәк арыш ипие – файдалы бактерияләрне җәлеп итеп, туфрак микрофлорасын яхшырта.

Нәрсә салырга ЯРАМЫЙ?

Зыян китермәс өчен, түбәндәгеләрдән сакланыгыз:

• Черемәгән тирес – тамырларга зыян сала, үсентеләрне авыруга сабыштыра.

• Черемәгән агач чүбе – туфрактан азотны суыра, үсемлекләр ачлык кичерә.

• Артык күп көл – азотның үзләштерелүен начарайта.

Утыртыр алдыннан нинди су сибәргә?

Туфракны дезинфекцияләү һәм тукландыру өчен түбәндәге эремәләр кулланыла:

Помидор үсентеләрен утырту тәртибе 

1. Чокыр әзерләү – 15–20 см тирәнлектә чокыр казыгыз.

2. Ашламалар салу – югарыда күрсәтелгән компонентларны салып, туфрак белән яхшылап болгатыгыз.

3. Су сибү – чокырга берәр литр җылымса (30–40°C) су салыгыз.

4. Үсентеләрне утырту – үсентеләрне беренче чын яфракларына кадәр күмегез.

5. Кабат су сибү – тамыр астына җылы су коегыз.

6. Мульчлау – түтәлне салам, кипкән үлән яки торф белән мульчалагыз. Бу эремә (һава) үткәрүчәнлеген яхшырта.

Йомгак: көчле үсентеләр – мул уңыш гарантиясе

Помидор үсентеләрен парникка яки ачык туфракка утырту – җаваплы этап. Әгәр сез чокырга дөрес компонентлар (черемә, көл, йомырка кабыгы, суган кабыгы, арыш ипие) салсагыз, артык ашламалардан саклансагыз, дөрес су сипсәгез һәм утырту тәртибен үтәсәгез, помидорларыгыз авырмыйча, көчле булып үсәчәк һәм Аллаһ теләсә, әйбәт уңыш бирәчәк.