Ми, йөрәк, сөякләр һәм кәеф өчен саф һавада йөрүнең файдасы

Фото: редакция архивыннан

Көнгә берничә минут йөрү тәнегез һәм акылыгыз белән менә ниләр эшли:

Ми һәм хәтер

Атнага 2 сәгать (мәсәлән, ике көн берәр сәгать) урамда йөрү инсульт куркынычын 20%ка киметә һәм ми активлыгын көчәйтә. Атнага өч тапкыр 50 минут – баш миенең хәтер һәм планлаштыру өлешен саклый.

Йөрәк

Көнгә нибары 30-60 минут йөрү йөрәк-кан тамырлары авырулары куркынычын күпкә киметә.

Сөякләр һәм авырлык

Атнага 4 сәгать йөрү сөякләрне ныгыта һәм сыну куркынычын 46%ка киметә. Һәр көнне 1әр сәгать йөрү – артык авырлык барлыкка килү куркынычын 50%ка әзәйтә.

Матдәләр алмашы һәм озын гомерлелек

Көнгә 3500 адым диабет куркынычын 29%ка, ашаганнан соң 15 минут йөрү – кандагы шикәр «сикерешен» 50%ка киметә. Атнага 75 минут тиз-тиз атлау – гомерегезгә, иң азы, 2 ел өсти.

Кәеф

Көн саен 40 минут йөрү депрессия билгеләрен 36%ка киметә һәм матдәләр алмашын нормальләштерә.

! Нәтиҗә: Залларга йөреп үзегезне җәфаламагыз. Иң аздан тотыныгыз – эштән җәяү кайтыгыз, транспорттан бер тукталыш алдан төшеп калыгыз, паркта йөрегез. Тәнегез озак еллар сәламәтлеге белән сезгә рәхмәт әйтер!