Августта җыеп алынган ташкабаклар һәм патиссоннар яхшырак һәм озаграк саклана

Августта бакча

• Өлгергән томат һәм борычларны даими җыя барасыз инде һәм августның икенче яртысында артык чәчәкләрен дә өзегез: алардан яшелчә үсмәячәк, ә булганнарының өлгерүен тоткарлап, сыйфатын төшерәчәк.
• Фитофторозның беренче билгеләре күренгәч үк, барлык томатларны җыеп алыгыз. Шулай ук, кабак, кавын һәм карбызларның да чәчәкләрен өзегез.
• Августта җыеп алынган ташкабаклар һәм патиссоннар яхшырак һәм озаграк саклана.
• Август уртасында бакча җиләген күчереп утыр­та башласагыз да була. Соң кәбестәнең төбенә өегез. Артык корылык тормаса, су сибү ешлыгын киметегез.
• Нинди дә булса яшелчә культурасын җыеп алыр­га ике атна кала, су сибүдән туктагыз.
• Агач һәм куакларга су сибегез. Җиләк куак­ларында бу вакытта киләсе ел уңышы чәчәк бөреләре формалаша.

Шуңа аларга түбәндәге хисап белән җылы су сибәргә кирәк:

• кызыл карлыган – 1-2 чиләк;
• кара карлыган – 3-4 чиләк;
• крыжовник – 4-6 чиләк;
• кура җиләге – 1 метр квадратка 5-6 чиләк.