Җандай газиз, кадерле татар телем, туган телем! Син миңа белем үрләрен яуларлык канатлар бирдең, мине иркәләп-назлап үстердең.
Анам теле! Сине яратканга күрә мин татар мәктәбендә укытам һәм моның белән чиксез горурланам.
Безнең гимназиябез - ул зур гаилә кебек. Биредә уку да, аралашу да бары тик туган телдә бара. Без балага фәнни белемнәр генә түгел, ә халкыбызга хас булган күркәм әхлак сыйфатларын да сеңдерергә тырышабыз. Өлкәннәрне хөрмәт итү, кечеләргә шәфкатьлелек, ярдәмчеллек, тыйнаклык – болар барысы да һәр дәреснең нигезен тәшкил итә. Бүген парта артында утырган балалар - Туган илнең, халкыбызның киләчәге. Аларның туган телдә сөйләшүе, үз тамырларын белүен күрү – укытучы өчен иң зур бәхет һәм хезмәт җимеше. Мин татар мәктәбен сайладым, чөнки биредә халкыбызның җаны, үткәне һәм якты киләчәге яши!
Фәнүсә Хурамшина
Башлангыч сыйныф укытучысы
#мөгаллим
Нет комментариев