Пенсия баллары: аларны ничек билгелиләр һәм татарстанлылар ел буена күпме балл җыя ала
Татарстан халкының хезмәт эшчәнлеге чорында минималь пенсия баллары (ИПК) туплану иминият пенсиясе алу өчен мәҗбүри булганнарның берсе булып тора - алар 30дан ким булмаска тиеш.
Пенсия баллары ничек исәпләнә - «Татар-информ» материалында.
ИПК һәр ел өчен исәпләнә. Аларның саны турыдан-туры керем дәрәҗәсенә бәйле: рәсми хезмәт хакы никадәр югарырак булса, пенсия исәбенә баллар шулкадәр күбрәк алына.
Шул ук вакытта бер календарь елда иң күбе 10 коэффициент алырга мөмкин. 2025 елда бер пенсия баллының бәясе 145,69 сум тәшкил итә, ә 2026 елда ул 156,76 сумга тигез булачак. Пенсия коэффициентлары эш өчен генә каралмаган. Алар яшь ярымга җиткәнче балаларны карау чорлары өчен дә исәпләнә:
- 1,8 балл – беренче бала өчен;
- икенче балага – 3,6 балл;
- өченче һәм аннан соңгы балаларга – 5,4 балл.
Шулай ук бер ел эчендә 1,8 ИПК хәрби хезмәт узу вакытында, шул исәптән ирекле формированиеләрне дә кертеп, санала. Махсус хәрби операциядә катнашучылар өчен бу күрсәткеч елына 3,6 баллга кадәр арта.
Шундый ук санда коэффициентлар I төркем инвалидны, инвалид баланы яки 80 яшьтән өлкәнрәк булган кешене тәрбияләү өчен тәкъдим ителә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев