«Мич» янгыннары

Ике очракта да, бәхеткә, кешеләр үзләре зыян күрмәсә дә, өй-мунчаларны гына саклап калу мөмкин булмаган. Ремплер авылында торак йортларның берсендә мич торбасыннан түшәмгә ут каба.

Ялкынның бөтен мәйдан буйлап бер түбә астындагы йортка, мунча һәм сарайга таралу куркынычы яный. Бәхеткә, янгынны тиз арада сүндерү мөмкин була. 4 кв.метр мәйданда мунчаның түшәме генә янып өлгерә. ЯҮМРның күзәтчелек һәм профилактика эшләре бүлеге мәгълүматлары буенча, янгын чыгуның сәбәбе – җылыту миченнән файдаланганда янгын куркынычсызлыгы кагыйдәләрен бозу.

Ә менә икенче очракта шулай ук мунча миче аркасында ут чыгып, шәхси агач йорт көлгә әйләнә. Янгын сүндерүчеләр килүенә ут аны ялмап алган була инде. Нәтиҗәдә 48 кв.метрга зыян килә.

Статистика буенча ел саен һәр бишенче янгын мич җиһазларын дөрес урнаштырмау һәм аннан файдаланганда янгын куркынычсызлыгы кагыйдәләрен бозу сәбәпле килеп чыга. Җылыту сезоны башлану белән мичләр аркасында чыккан янгыннар саны аеруча арта.
Күпчелек йорт хуҗалары куркынычсызлык кагыйдәләрен үтәми, моны акча җитмәүгә сылтый, әмма янгынга каршы чараларны булдыру, морҗаларны корымнан чистарту, төтен торбаларын штукатурлау һәм агарту зур матди чыгымнар таләп итми. Алдан күрелгән саклык чаралары гына акыллы хуҗага артык югалтулардан сакланырга ярдәм итә.