#күңелемдәгесенәйтәм

Декабрь башы гына булуга карамастан, ясалма чыршы, күз явын алырлык ялтыравыклы уенчыклар, әллә нинди фигуралар белән кибет киштәләре шыплап тулган. Бигрәк тә мыж килеп шуларны алучы халыкның күплеген күрсәгез икән! Мин әйтәм, күпләр бәйрәмгә әзерлек эшен башлаган икән инде. Мондый вакытта үзенә күрә бер атмосфера хакимлек итә.

 Инде олы булсак та, әкияти геройларга ышанасы килә, ниндидер могҗиза көтәсең. Ә чынлыкта бер генә теләк, хәрби операциядә катнашучы һәркем өйләренә, гаиләсе янына кайтсын иде. Алар өчен моннан да зуррак бүләк булмас иде.