Корал белән дәрескә: гимназия укучысы атыш оештырган

Фото: 112

Урынга кичекмәстән Эчке эшләр министрлыгы, Росгвардия, ашыгыч ярдәм һәм башка экстрен хезмәтләр хезмәткәрләре килә. Бераздан мәктәпкә Башкортстан Республикасы Эчке эшләр министры Александр Воронежский да килеп җитә.

Алдан алынган мәгълүматлар буенча, 9нчы сыйныф укучысы дәрескә пневматик автомат белән керә. Ул укытучыга һәм өч сыйныфташына берничә тапкыр ата, шулай ук петарда шартлата. Һөҗүм итүче патруль-пост хезмәте һәм Росгвардия хезмәткәрләре тарафыннан тиз арада тоткарлана.

Инцидентка бер көн кала, тугызынчы сыйныф укучысы социаль челтәрләрдә мәктәптә атыш турында җыр урнаштырган, фактик рәвештә һөҗүм турында кисәткән. Чыганак мәгълүматлары буенча, ул гимназиягә травматик корал белән килгән, ә үз гамәлләрен аудиога яздырып, интернетка урнаштырган.

Барлык укучылар да оператив рәвештә эвакуацияләнә. Балалар сөйләвенчә, коридорда шау-шу башлангач, укытучыларның берсе ишекне яба һәм парталар белән баррикадалар корырга куша. Башта сыйныфларда моны укулар дип уйлаганнар — андый укулар бүген Уфаның барлык мәктәпләрендә үткәрелергә тиеш булган.

Башкортстан буенча Тикшерү комитеты берничә җинаять эше кузгаткан, шул исәптән ваемсызлык факты буенча да. Урынга оператив-тикшерү төркеме эшли, булган вакыйганың барлык шартлары ачыклана.