Казан Кремленең Спас манарасында җил аркасында сәгать теле ишелеп төшкән
Казан Кремленең Спас манарасында җил сәгатьнең бер телен ишеп төшергән. Укны реставрациядән соң инде иртәгә, 30 апрельдә, кире урнаштырачаклар.
Фото 29 апрельдә иртәнге 9.10 да ясалды.
Фото: © Җәмил Сәлимгәрәев / «Татар-информ»
«28 апрельдә җилнең көчле исүе нәтиҗәсендә Спас манарасы сәгатенең бер теле циферблат валыннан аерылып төште. Хәзерге вакытта ул реставрациядә, урнаштыру 30 апрельгә планлаштырылган», — дип хәбәр итте «Татар-информ»га «Казан Кремле» музей-тыюлыгының маркетинг бүлеге.
Татарстанда 27 апрельдә көчле җил аркасында шторм кисәтүе игълан ителгән иде. Җилнең тизлеге 26 м/с җиткән, ул электр чыбыкларын өзгән, навеслар һәм агачларны аударган.
Гидрометцентр мәгълүматлары буенча, бүген, 29 апрельдә дә, республика территориясендә җилле һава торышы сакланачак.
Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев