Яшел Үзәннең 15нче мәктәбендә «Карга боткасы» узды

Мәктәбебезнең «Мәктәп энҗеләре» түгәрәге җитәкчеләре Гатауллина Р.Г. һәм Гаффарова Р.М. бу көнне чын әкияткә әйләндерделәр.

Татарча көйләр астында 2 «Б» сыйныфы укучылары яз һәм кошлар турында шигырьләр сөйләде, ә 6 «В» сыйныфы укучылары үзләренең дәртле биюләре белән барчабызны куандырды.

Ботка пешкән арада балалар татар халык уеннарын уйнап күңел ачтылар. Иң дулкынландыргыч мизгел — тәмле боткадан авыз итү булды! Кошларны да онытмадык: ботканың бер өлеше канатларында яз китерүче дусларыбызга калды. 

Рәхмәт сезгә, кошкайлар! Яз мөбәрәк булсын!

Гөлназ Рәшитовна