ГИМС Татарстан суднолар йөртүчеләргә иминлек кагыйдәләрен искә төшерде
Матбугат конференциясе барышында Россия ГТХМның Татарстан буенча территориаль органы җитәкчесе урынбасары, кече көймәләр буенча баш дәүләт инспекторы Денис Мокеев суднолар йөртүчеләр өчен кагыйдәләрне искә төшерде.
Фото: Рәзилә Хәйретдинова, «ЯҮ»
Суга чыгар алдыннан транспортның техник халәтен тикшерергә һәм үзләре белән судно билеты, таныклык һәм судно хуҗасы булу хокукына документлар алырга кирәк.
Мөһим: ГИМС инспекторлары таләбе буенча тукталырга, пассажирларның утырту һәм юл вакытында иминлеген тәэмин итәргә кирәк. Моннан тыш, үткән елның сентябреннән яңа таләпләр эшли: 4 метрга кадәрге судноларда хәрәкәт иткәндә дә, туктап торганда да коткару жилетларында булырга кирәк. Бу шулай ук барлык палубасыз җайланмаларга – «бананнар», су чаңгылары, сапбордларга да кагыла.
Балаларга аерым игътибар. 12 яшькә кадәрге пассажирлар барлык ачык палубалы һәм палубасыз судноларда коткару жилетларында һәм өлкәннәр күзәтүе астында йөрергә бурычлы.
КП Казань
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев