Фатир милекчеләре өчен яңа кагыйдәләр

Фото: Рәзилә Хәйретдинова, «ЯҮ»

Хәзер антенна, кондиционер, камера яки башка җиһазларны йорт фасадына урнаштыру өчен барлык милекчеләрнең хуплавы таләп ителәчәк. Моннан тыш, милекче өченче затларга башка милекчеләрнең рөхсәтеннән башка подвал, чорма яки техник урыннарны арендага бирә алмаячак.

Торак кодексында тагын бер үзгәреш: күпфатирлы йорт администраторы вазыйфасы барлыкка килү. Ул яшәүчеләрнең җыелышларын оештырачак һәм ТКХ дәүләт мәгълүмат системасы (ТКХ ГИС) һәм идарәче компания белән хезмәттәшлек итәчәк.