Бер эш буенча ике җитәкче җавап тота
Яшел Үзән прокуратурасы Осиновода торак комплексы төзелеше барышында законнар үтәлешен тикшергән.
Фото: редакция архивыннан
Тикшерүгә Татарстан Дәүләт төзелеш күзәтчелеге инспекциясенең Көнбатыш территориаль органы белгечләре җәлеп ителеп, әлеге объектта проект документлары таләпләренең бозылу очраклары ачыкланган.
Бу хокук бозулар буенча, шәһәр прокуроры тарафыннан генераль подрядчы директорына һәм әлеге оешманың вазифалы затына карата РФ Административ хокук бозулар кодексының 9.4нче маддәсенең 1нче өлеше буенча 2 административ эш кузгатыла (капиталь төзелеш объектларын төзегәндә проект документлары таләпләрен бозу).
Прокурор карарлары нәтиҗәләре буенча, югарыда күрсәтелгән затлар 150 мең һәм 30 мең сум күләмендә административ штраф рәвешендә җаваплылыкка тартыла. Штрафлар түләнгән.
Кыскасы: Осиновода торак комплексы төзелеше вакытында табылган кимчелекләр өчен ике җитәкче дә җавапка тартылган. Закон бозучыларга тиешле җәза бирелгән!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев