A.M. Горький исемендәге Яшел Үзән заводына 130 ел
Бүген предприятие хезмәткәрләрен бүләкләделәр, муниципаль бүләк - «Яшел Үзән - хезмәт батырлыгы шәһәре» медален тапшырдылар.
Яшел Үзән хәрби-диңгез флотын ныгыту һәм үстерү белән тыгыз бәйләнгән. Горький исемендәге завод стапельләреннән чыгарылган хәрби кораблар - шәһәребезнең горурлыгы, ә Яшел Үзән диңгезчеләре хәрби корабларда намус белән хезмәт итә.
Завод тарафыннан 1500дән артык диңгез һәм елга суднолары төзелгән. Завод Кара, Каспий, Балтыйк, Төньяк диңгез бассейннарының теләсә кайсы төбәгенә кораблар һәм суднолар җибәрә.
Бүген яшьләргә сугышчан диңгез туганлыгының иң яхшы традицияләрен тапшыра, хезмәткә җаваплы мөнәсәбәт тәрбияли торган ветераннарыбызга аерым рәхмәт.
Сезгә эшегезгә чын күңелдән бирелгәнегез, осталыгыгыз өчен рәхмәт белдерәм.
Бәйрәм белән!
Михаил Афанасьев, Зеленодольск муниципаль район башлыгы, Зеленодольск мэры
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев