«Рубин» футболчылары Норлат балалар йортына кунакка килде

Чара күңелле күнегүләрдән башланды. Балалар футболчылар белән бергә спорт залында уйнадылар, шөгыльләнделәр. Клубның талисманы — Руби исемле аждаһа исә бәйрәмгә ямь өстәде.

- Очрашу ахырында кунаклар истәлекле бүләкләр тапшырды һәм иң кыйммәтлесе — «Рубин»ның чираттагы матчына чакыру булды. Мондый очрашулар балаларны зур хыялларга этәрә һәм спортның чиксез мөмкинлекләрен күрсәтә, – дип сөйли Норлат балалар йорты җитәкчесе Рәйсә Миңнуллина.