Олы ачасырлылар физик мөмкинлеге чикләнгән авылдашларына бүләкләр тапшырды
1993 елдан 3 декабрь Халыкара инвалидлар көне итеп билгеләнде. Әлеге дата белән бәйле рәвештә декабрь башын инвалидлар декадасы итеп үткәрү традициягә керде.
Ункөнлек җәмгыятебезгә янәдән аларга даими игътибар бирү, социаль яклау кирәклеге турында искәртә.
Бу көннәрдә аларга игътибар чыннан да арта. Төрле күңел ачу чаралары, акцияләр уздырыла, җәмәгать туклану урыннарында, матурлык салоннарында ташламалар, бушлай хезмәтләр тәкъдим ителә. Өйләреннән чыга алмаучылар янына социаль хезмәткәрләр барып, аларның өйләрен җыештыра.
Олы Ачасыр авыл җирлегендә 11 физик мөмкинлеге чикләнгән кеше яши. Шушы декада уңаеннан авылыбызның уңган егете Нигьматҗанов Руслан Ринат улы ашамлыклар тутырылган пакет өләште. Һәрбарчасы исеменнән Русланга исәнлек-саулык, гаилә бәхете телибез.
Фәния Зыятдинова
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев