Норлатта игелекле акция дәвам итә

Акъегет мәктәбенең 6нчы сыйныф укучылары, әти-әниләре һәм сыйныф җитәкчесе Рүзилә Сафиуллина 50 данә 5 литрлы шешә су алып килде.

Шулай ук Бакырчы мәктәбе коллективы исеменнән дә 50 данә 5 литрлы су тапшырылды.

Моннан тыш, Норлат урта мәктәбенең 8А сыйныфы укучылары (сыйныф җитәкчесе С.С. Абзалова) 23 данә 5 литрлы шешә су китерделәр.

Искәртеп узабыз, күптән түгел «Солдатларга чиста су» хәйрия акциясе игълан ителгән иде. Авыл халкы бу башлангычны бик җылы кабул итте һәм актив рәвештә кушылды.

– Акъегет, Бакырчы мәктәпләренә, Сафиуллиннар гаиләсенә, ата-аналарга һәм барлык битараф булмаган кешеләргә ихлас рәхмәтебезне белдерәбез, – дип сөйли Роза Ягудина.