«Каләмнәрдән нур тама...»: Олы Яке авылында иҗат кичәсе узды
Олы Яке авылы китапханәсендә иҗат сөюче авылдашларыбызны бергә җыйган искиткеч шигырь кичәсе узды. Бу көнне китапханә иҗат нурына күмелде.
Кичәдә иҗат итүче ханымнарыбыз үзләренең күңел җәүһәрләре белән бүлештеләр:
Гайфуллина Гөлфия Госман кызы — мәктәп елларыннан ук шигырь яза башлаган иҗатчы.
Зарипова Фәүзия Нурый кызы — тормышның авыр сынавыннан соң күңелен каләм аша юаткан авылдашыбыз.
Шәрәфетдинова Гөлнур Госман кызы — әнисенә һәм энесе Азатка багышланган, йөрәкләрне тетрәндергеч бәетләрен тыңлатты.
Кунаклар "Шигъри тәлгәшләр" исемле китап күргәзмәсе белән таныштылар, ә китапханәче әзерләгән слайд-презентация авторларның тормыш юлын ачып бирде.
Иҗади авылдашларыбызга илһам чишмәләре саекмавын телибез!
Мәгълүматны Олы Яке мәдәният йорты мөдире Рәмзия Мәҗитова җиткерде
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев