Газетага язылып, “Черри” автомобиле отып була

Автомобиль иясенә килеп тә ирешкән инде

Әлки районының Юхмачы авылында яшәүче Р.Фәтхетдинова "Жизнь" газетасына языла һәм редакция игълан иткән лотереяда катнашып, "Черри" автомобиле ота. Хәзер инде автомобиль иясенә килеп тә ирешкән, дип хәбәр итә "Әлки хәбәрләре" басмасы. Хәбәр Татар-информ агентлыгыннан алынды.

"Яшел Үзән" газетасы һәм ТАТМЕДИА чыгара торган тагын ике газетага язылып лотереяда катнашучылар да кыйммәтле приз ота ала. Черри ук булмаса да, заманы өчен бик зур һәм кыйммәтле бүләк - Apple iPad 4 Retina (64 GB, Wi-fi, celluar) отарга мөмкин. Ул гына да түгел, әле бик файдалы 50 китап та уйнатыла. Ә китапның иң зур бүләк булуын әле беркемнең дә инкарь иткәне юк.