Үсентеләр өчен 3 файдалы ашлама

Фото: редакция архивыннан

Үсентеләр нык булсын дисәгез, тәҗрибәле бакчачыларның халык чараларын кулланыгыз.

Бәрәңге пешкән су – кыйммәтле ашлама 

Гадәттә без бәрәңге пешкән суны түгеп бетерәбез. Моннан соң алай эшләмәгез! Суынган бәрәңге суы – үсентеләр өчен бик файдалы ашлама. Крахмал һәм минерал матдәләргә бай булган бу су үсемлекләрнең үсешен тизләтә.

Әзерләү ысулы:

Суынган бәрәңге суына бер тамчы йод тамызыгыз.

Яхшылап болгатыгыз.

Атнага бер тапкыр помидор үсентеләренең тамыр төбенә сибегез.

Нәтиҗә: Үсентеләр ныгый, яфраклары куерып үсә, сабаклары юанлана.

Банан кабыгыннан ашлама – табигый тукландыру 

Банан кабыклары – калий, фосфор һәм магний чыганагы. Бу минераллар үсентеләрнең тамыр системасын ныгытуда мөһим роль уйный.

Куллану ысулы:

Үсентеләрне күчергәндә яки пикировкалаганда, савыт төбенә бераз туфрак салыгыз.

Аның өстенә вак итеп туралган банан кабыгын җәегез.

Кабат туфрак салып, үсентеләрне утыртыгыз.

Нәтиҗә: Кабык туфракта череп, җылы бүлеп чыгара, тамырларны ныгыта һәм үсемлеккә кирәкле минерал матдәләрен бирә.

Суган кабыгы төнәтмәсе – авырулардан саклаучы 

Суган кабыгыннан әзерләнгән төнәтмә – үсентеләр өчен универсаль чара.

Ул:

• файдалы матдәләргә туендыра;
• авырулардан (кара аяк, грибок) саклый;
• зарарлы бөҗәкләрне (листовертка, тля) куркыта.

Төнәтмә әзерләү:

Бер стакан суган кабыгына ике стакан су салыгыз.

Кайнатып чыгарыгыз.

Ике тәүлек төнәтегез.

Кулланыр алдыннан сөзегез.

1:10 нисбәтендә су белән катнаштырыгыз.

Куллану ысулы:

Профилактика өчен – атнага бер тапкыр сибегез.
Авыру яки бөҗәкләр күренсә – төнәтмәгә бераз сыек сабын өстәп, яфрак-сабакларын коендырыгыз.