Көндәлек тормышта кибеттә, техника алганда яки хезмәт күрсәткәндә сораулар еш туа.
Фото: ясалма интеллект
– Сатучы товарның сыйфатын тикшерү өчен аны башка шәһәргә алып барырга куша. Мин моңа ризалашмаска хокуклымы?
– Әйе, сез товарны башка шәһәргә илтеп бирүдән баш тарта аласыз.
Россия Федерациясе Югары Суды Президиумы тарафыннан 2024 елның 23 октябрендә расланган суд практикасына күз салсак, кулланучының товарны сатып алынган урыннан түгел, ә сатучы күрсәткән башка шәһәрдәге адреска илтеп бирүдән баш тартуы законлы дип таныла.
Канунда кулланучыга товарны нәкъ менә билгеле бер адреска алып бару бурычы йөкләнми. Димәк, гомуми кагыйдәләр кулланыла:
- товар тиешле урында,
- тиешле вакытта,
- тиешле затка тапшырылырга тиеш.
Ә кибет белән кулланучы арасындагы бурычлар сатып алу урынында барлыкка килә. Шуңа күрә товарны тикшерү өчен шул ук урында тапшыру җитә.
Нет комментариев