Иртәнге аш: матур гәүдә өчен файдалы рецепт

Фото: ясалма интеллект

Әлеге чара матдәләр алмашын көйләүгә, иммун системасын ныгытуга һәм эчәклекне чистартуга ярдәм итә. Бу катнашманы кулланып, эч кату һәм «ялкау эчәклек», симерү турында онытырга мөмкин. Ай дәвамында 2,5 килограммга кадәр авырлыкны, бигрәк тә бу корсак тирәсендәге май катламына кагыла, киметергә була.

Әзерләү өчен түбәндәгеләр кирәк: 5-7 кара җимеш, 2 а.к. солы кисәкләре («хлопья»), 1 ст. кефир яки майсыз йогырт, 1 а.к. җитен орлыгы мае, 1 ч.к. какао-порошок.

Бу иртәнге аш киченнән әзерләнә. Җимешләрне 10-15 минут кайнар суда тотарга. Шул арада какао, җитен мае, кефир һәм солы кисәкләрен аерым савытта болгатырга. Кара җимешләрне турап, алдан ясалган катнашмага өстәргә. Яхшылап бутап, төнгә суыткычка куеп калдырырга. Ә иртән, әзер файдалы һәм сәламәт ризыкны алып, ашарга гына кирәк булачак.