#кирәклекиңәшләр
Гадәттән тыш хәлләр министрлыгында татарстанлыларга буран вакытында куркынычсызлык чаралары турында искә төшерделәр
Республика территориясендә бүген төнлә һәм 28 гыйнварда һава торышының начарлануы көтелә. Синоптиклар мәгълүматлары буенча, республикада буран вакытында күз күреме 1000 метрга кадәр начарланачак.
Фото: ясалма интеллект
Алдагы көннәрдә көчле кар явачак, җилнең тизлеге 15-18 м/с ка кадәр җитәчәк. Юлларда урыны белән кар көртләре булуы ихтимал.
Россия Гадәттән тыш хәлләр министрлыгының Татарстан буенча Баш идарәсе халыкны куркынычсызлык чараларын үтәргә чакырды:
- һава торышы начарланганда өйдә калу кулайрак;
- шәхси транспорттан баш тартып, җәмәгать транспортына өстенлек бирегез;
- машиналарыгызны начар беркетелгән конструкцияләрдән ераграк урнаштырыгыз;
- йорт түбәләре янындагы урыннарны әйләнеп узыгыз;
- юлда кискен маневрлар ясамагыз.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев