Эш урынында сәламәт булып эшләү серләре: 6 иң яхшы практика

Фото: ясалма интеллект

Кеше тормышының зур өлешен эштә үткәрә, һәм хезмәт шартлары аның физик һәм психик сәламәтлегенә, җитештерүчәнлегенә һәм гомуми иминлегенә турыдан-туры тәэсир итә. Гади кагыйдәләрне игътибарсыз калдыру хроник һәм  эмоциональ аруга, хәтта һөнәри авыруларга китерергә мөмкин.

Эш урынында сәламәтлекне ныгытуның кайбер иң яхшы практикалары:

1. Эш мәйданын оештыру:

• утыргыч һәм өстәл биеклеген көйләү, ноутбук өчен стенд куллану;
• яктырту: табигый яктылыкка өстенлек бирү, кирәк булса – йомшак, елтырамаган лампалар куллану;
• чисталык һәм саф һава: инфекцияләр таралу куркынычын киметү өчен даими рәвештә бүлмәне җилләтеп тору һәм чисталык тоту.

2. Физик активлык:

• һәр 1–2 сәгать саен мини-разминкалар;
• лифт урынына баскычлар куллану;
• корпоратив активлык: йога, зарядка, җәяү йөрүләр.

3. Туклану һәм су балансы:

• файдалы ашамлыклар (чикләвек, җимеш, йогурт);
• җитәрлек күләмдә су (көненә 1,5–2 литр);
• даими төшке ял.

4. Психик сәламәтлек турында кайгырту:

• стрессны киметү;
• уңай психологик атмосфера: коллективта ачык аралашу.

5. Һөнәри авыруларны кисәтү:

• офис хезмәткәрләре өчен: күзләргә гимнастика, компьютер артында эшләгәндә махсус күзлекләр куллану;
• «аяк өстендә» эшләүчеләр өчен: уңайлы аяк киеме, кирәк булса – компрессион оеклар;
• даими медицина тикшерүләре, диспансеризация; вакцинация.

6. Компанияләр хезмәткәрләр сәламәтлеген ничек саклый ала?

• сәламәтләндерү буенча корпоратив программалар кертү;
• ял зоналары оештыру (йомшак диваннар, өстәл уеннары, тыныч бүлмәләр);
• стрессны киметү өчен эш тәртибе һәм ерактан эшләү мөмкинлеге.

Сәламәт хезмәткәрләр – алар нәтиҗәле эшләүче, мотивацияләнгән һәм бәхетле кешеләр!
Сәламәт булыгыз! Үзегезне кайгыртыгыз.

Валерия Феоктистова,

Яшел Үзән медицина профилктикасы үзәгенең халыкка гигиена тәрбиясе бирү табибы.