Бүген – Бөтендөнья йокы көне: Дөрес йокы – гомер озынлыгы

Фото: ясалма интеллект

Мисалга, начар гадәтләрсез 36 яшьлек ир-егетнең яшәү рәвешен китерәләр.

1. Ул елның 300 көнендә төн уртасыннан соң йокларга яткан. Иң мөһиме эчмәү-тартмау дип санаган. Ә организмның хроник йокы туймауны кичермәвен исәпкә алмаган.

! Йокы туймау, хәтта дөрес туклансаң һәм спорт белән шөгыльләнсәң дә, инсульт куркынычын 83%ка арттыра. Бигрәк тә баш миең, ял итәсе урынга, төнге сәгать 2дә, 3тә компьютер, телефон яктысында «янса».

2. Төн уртасыннан соң тәнебез кан тамырларын төзекләндерергә тиеш. Бу безнең биология. Ә бездә ремонт урынына – ут, экран, стресс.

! Төнге хезмәт ул – кортизол гормоны бүленеп чыгу, кан басымы уйнау, кан тамырларында ялкынсыну. Боларны тиз арада сизмисең. Әмма бервакыт йокыңнан уянгач, сүз дә әйтә алмаска мөмкинсең.

3. «Мин ябалак, миңа шулай уңайлы» – таныш сүзләрме? Бу үз-үзеңне алдау.

! Генетика буенча кешеләрнең 80-90%ы 22:00 сәгатьтән 6:00га кадәр йоклау өчен көйләнгән. Төнге 2-3тә яту – режим түгел, ә үзеңне вату. 8 сәгать дәвамында йокласаң да, соң ятканлыктан, организмның тернәкләнүе ике тапкырга кими.

4. Торгач кабат экран артына утырасың. Хәрәкәтсез, кояшсыз, сусыз. Кан тамырларына бернинди ял, яңару юк.

! Кан куера, кан басымы сикерә, микротромблар барлыкка килә. Симптомнарсыз. Кисәтүләрсез. Шул әкрен генә мәкерле эшен башкаручы бомба да инде.

5. Ә нишләргә? Бар да гади: йоклар алдыннан бер сәгатькә алданрак булса да экраннарны сүндер, 23:00 сәгатькәчә йокларга ят, иртән – хәрәкәтлән, бер стакан җылы су эч һәм һава сулап, йөзеңне кояшка күрсәтеп кер.

Бу киңәш кенә түгел. Бу гомереңне иминиятләндерү. Яшьләрдәге инсультлар һәм инфарктларның яртысы алкоголь һәм тәмәкедән түгел, ә төнге уяулык режимында яшәү гадәтеннән.

Төнге продуктивлык – үзең теләп биргән иң кыйммәтле нәрсә. Аның өчен игътибар белән түләмисең. Син төнлә экран артында утыруың өчен гомереңнең еллары белән түлисең. Яки, барысына да нокта куючы бер секунд белән.