Базилик – файдалы үлән

Фото: ясалма интеллект

Без күбрәк шул, үзебезнең гади укроп белән яшел суганга күнеккән, башка төрле үләннәрне бер-ике авыз итәбез дә, чәчәк атып, катып беткәч, йолкып кына атабыз. Базилик үстергәнсез икән, аңа күбрәк игътибар итегез әле, әрәм булмасын. Җитмәсә, бик файдалы сыйфатларга да ия бу үсемлек.

• Ашаказаны, эчәклек тракты эшчәнлеген тергезергә булыша.
• Тонусны күтәрә.
• Аңардагы эфир майлары тынычландыра.
• Баш авыртканда, йокысызлыктан интеккәндә ярдәм итә.
• Базиликлы чәй (1 а.к. үләнне 1 ст. кайнар суга салып, 5-10 минут утта тотарга һәм 30 минут төнәтергә) күңел болгануны, косасы килүне баса.
• Транспортта күңел болганучыларга базилик яфрагын чәйнәргә кирәк.
• Базилик төнәтмәсе йөткерүдән, сидек-җенес органнары ялкынсынуыннан ярдәм итә.
• Ризыклар әзерләгәндә базилик куллану онкология килеп чыгу мөмкинлеген киметә.
• Шкафыгызда кипкән базилик яфрагы әйберләрегезне көя күбәләгеннән саклар.