Батырлар үлми, алар күңелләрдә яши!
Олы Шырдан авылында күңелләрне тетрәндергеч, шул ук вакытта горурлык хисләре уята торган вакыйга булды.
Махсус хәрби операциядә һәлак булган Рөстәм Шәмсетдин улы Тайлановның әнисе яшәгән йортка истәлек тактасы куелды.
- Әлеге изге гамәл 2025 ел — «Ватанны саклаучылар елы» кысаларында Олы Шырдан җирле үзидарәсе депутатлары тырышлыгы белән башкарылды.
Истәлек тактасы — ул батыр турындагы хәтерне мәңгеләштерү, киләчәк буыннарга аның каһарманлыгын җиткерү өчен ясалган мөһим адым.
Рөстәм кебек ир-егетләребез — безнең горурлыгыбыз. Аларның исеме тарих битләренә алтын хәрефләр белән язылган. Без үз каһарманнарыбызны онытырга тиеш түгел!
Яткан туфрагың җиңел, урының оҗмахта булсын, батыр егет! Туганнарының һәм якыннарының кайгысын уртаклашабыз, – дип яза Олы Шырдан мәдәният йорты мөдире Наҗия Хәсәнова.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев