Хайван тизәген чүп контейнеры янына чыгару — имансызлыкмы?

Фото: редакция архивыннан

Чисталык үзебездән башлана!

Авылыбызда чүпне бер көн алып китмәсәләр, шунда ук зарлана башлыйбыз: шалтыратабыз, язабыз, таләп итәбез. Ә үзебез нишлибез?

Хайван тизәген чүп контейнерлары янына чыгарып түгү — бу инде бернинди кысаларга да сыймый! Барыбыз да яхшы белә: чүп ташучы машиналар контейнер эчендәге чүпне генә ала.

Ә янәшәдә өелгән тиресне кем җыярга тиеш?
Җирлек башлыгымы?
Өмә ясап авыл халкымы?
Әллә мәчет янында булгач, мәхәллә кешеләреме?

Кем кулы белән ясалган бу әшәкелек? Кешедән оялмасагыз, Аллаһтан оялыгыз инде! Чисталык — иманнан, дибез. Үз авылыбызны үзебез чүплеккә әйләндермик.