Күңел сөенә: безнең өметле, сәләтле яшьләребез бар

Фото: Рәзилә Хәйретдинова, «ЯҮ»

Апрель – шигърият ае. Ул бөек шагыйребез Габдулла Тукайның туган көне белән бәйле. Бу көннәрдә «Яшел Үзән»нең социаль челтәрләрен аеруча кызыксынып күзәттем. Бөтен дөнья шигырь укый кебек тоелды миңа. Балаларның, укучыларның чыгышлары берсеннән-берсе матур. Күпләр Тукай шигырьләрен сәнгатьле итеп укый, үз сәләтләрен күрсәтә. Әлбәттә, монда остазларның хезмәте зур. Балаларның сәләтен күрә белеп, аларны сәхнәгә чыгарлык итеп әзерләгән укытучыларга рәхмәт сүзләре әйтәсе килә.Мондый чыгышларны күргәч, күңел сөенә: безнең өметле, сәләтле яшьләребез бар!