Юл хәрәкәте иминлеге дәүләт инспекциясе хезмәткәрләре әти-әниләр өчен очрашулар сериясе үткәрә
Җәйге чорда балалар иминлеге – аерым контрольдә!
Җәйге каникуллар алдыннан Юл хәрәкәте иминлеге дәүләт инспекциясе хезмәткәрләре «Юл хәрәкәте иминлеге» дәүләт
бюджет учреждениесе белгечләре белән берлектә әти-әниләр өчен очрашулар сериясе үткәрә.
Бу чараларның төп максаты – бәхетсез очраклардан сакланырга ярдәм итәчәк саклык чаралары һәм юл йөрү кагыйдәләре турында әти-әниләргә тагын бер кат искә төшерү.
Аерым игътибар яшь велосипедчыларга һәм шәхси хәрәкәт чаралары (электросамокатлар, гироскутерлар, моноколеслар һ.б.) кулланучыларына юнәлтелгән. Шулай ук кече яшьтәгеләрнең питбайклар һәм квадроцикллар йөртүенә дә зур әһәмият бирелә.
️️️Хөрмәтле әти-әниләр! Исегездә тотыгыз: балаларыбызның иминлеге – безнең уртак җаваплылык. Кагыйдәләрне бозмагыз, балаларыгызга үрнәк булыгыз!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев