Татарстанда төзүчеләргә һәм машина йөртүчеләргә иң югары хезмәт хакын тәкъдим итәләр

Шул ук вакытта мәшгульлек үзәкләрендә 83,5 мең вакансия бар. Шулай итеп, һәр эш эзләүчегә уртача 22 эш урыны туры килә. Теркәүдәге эшсезлек дәрәҗәсе эшче көчнең 0,19 процентын тәшкил итә.Иң күп хезмәткәр төзелеш өлкәсенә кирәк — барлык вакансияләрнең 55 проценты шунда. Шулай ук сәнәгать, сәламәтлек саклау, мәгариф, фән һәм транспорт өлкәләрендә белгечләргә ихтыяҗ зур. Иң югары хезмәт хакы автомобиль йөртүчеләргә тәкъдим ителә — аена уртача 103,2 мең сум. Шулай ук иң күп хезмәт хакы тәкъдим ителгән һөнәрләр арасында эш җитештерүчеләр — 100 мең сум, токарьлар — 98,6 мең, табиблар — 97,2 мең, изолировщиклар — 93,3 мең, клепальщиклар — 89 мең, инженерлар — 88,8 мең һәм слесарьлар — 87,4 мең сум. Укытучыларга уртача 50 мең сум, фельдшерларга 66,3 мең сум хезмәт хакы тәкъдим итәләр.Татарстанның «Россия эше» кадрлар үзәге директоры Тимур Муллин төзелеш һәм сәнәгать өлкәләрендә белгечләргә ихтыяҗ аеруча зур булуын билгеләп үтте. Ел башыннан үзәккә 18,1 мең кеше мөрәҗәгать иткән, шуларның 9 меңе эшкә урнашкан. Кирәк булганда, эш эзләүчеләр яңадан һөнәри әзерлек үтә ала.

Казань КП