Татарстанда каршы як полосага чыгып йөк машинасына бәрелгән Volkswagen йөртүчесе һәлак булган
Татарстанның Апас районында җиңел автомобиль каршы як хәрәкәт полосасына чыгып, йөк машинасы белән бәрелешкән. Юл-транспорт һәлакәте нәтиҗәсендә Volkswagen автомобиле рулендәге ир-ат вакыйга урынында ук һәлак булган.
Икенче катнашучы – авыр йөк ташучы FAW автомобиле.
Татарстан Дәүләт автоинспекциясе хәбәр иткәнчә, бәрелеш шулкадәр көчле булган ки, җиңел машина йөртүчесенең исән калу мөмкинлеге булмаган. Хәзерге вакытта юл һәлакәте урынында ЮХИДИ хезмәткәрләре эшли, фаҗиганең барлык шартлары ачыклана.
Элегрәк Казанда Nissan автомобиле йөртүчесенең автозаправка станциясенә борылырга теләгәндә кеше үлеменә китергән юл һәлакәте чыгаруы турында хәбәр ителгән иде. Әлеге авариядә тагын өч кеше зыян күргән.
Моннан тыш, Татарстанда йөк машинасы катнашындагы юл һәлакәтендә ике өлкән кеше һәм бер яшьлек бала һәлак булуы турында да хәбәр ителде. Башлангыч мәгълүматлар буенча, җиңел машина белән идарә иткән хатын-кыз идарәне югалтып, каршы як хәрәкәт полосасына чыккан.
Вечерняя Казань
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев