20 ноябрьдә Россия Эчке эшләр министрлыгының Яшел Үзән районы буенча бүлеге тирында "Ворошиловский стрелок" пневматик винтовкадан ату турниры узды

Турнирда 6 команда: Яшел Үзән механика көллияте, Яшел Үзән медицина училищесы, Казан милли тикшеренү техник университеты, Раифа махсус училищесы студентлары, шулай ук ОСОШ 1 һәм Яшел Үзән "Форпост" командасы катнашты.

Киеренке көрәштә беренче урынны КНИТУ КАИ командасы алды, ә яшүсмерләр арасында шәхси беренчелектә 1 урынны - Луговин Никита (КНИТУ КАИ), 2 урынны - Юнысов Марат ( ЗМУ), 3 урынны - Галкин Тимур (СУВУ).

Кызлар арасында 1 урын - Мәҗитова Алина ( КНИТУ КАИ, ЗИМИТ "Форпост" үзәге), 2 урын - Полетаева Анастасия (ЗЦ "Форпост"), 3 урын - Заһидуллина Диана (ЗИМИТ КНИТУ КАИ).

Барлык җиңүчеләр дипломнар һәм кыйммәтле бүләкләр белән бүләкләнде. Призерларны котлыйбыз!