Татар Танае мәдәният йортында «Халык зирәклеге дөньясында» дип аталган мавыктыргыч бәйге узды

Татар Танае мәдәният йортында китапханә белән берлектә «Халык зирәклеге дөньясында» дип аталган мавыктыргыч бәйге узды! Ул мәкальләр, әйтемнәр һәм табышмакларны иң яхшы белүчеләрне ачыклады. 

Фольклор әсәрләре кеше укырга һәм язарга өйрәнгәнче бик күпкә иртәрәк туган. Аларны халык иҗат иткән, туганнарына һәм авылдашларына сөйләгән. Шул рәвешле алар гасырлар буе буыннан-буынга тапшырылып килгән. 

- Без балаларны менә шушы халык зирәклегенең гаҗәеп дөньясына чумарга чакырдык. Катнашучылар халык авыз иҗаты төрләре белән таныштылар, мәкальләр һәм табышмаклар белән бәйле уеннарда катнаштылар. Шулай ук «Сөйлә, әмма ялгышма» тизәйткечләр конкурсында үзләренең тел байлыгын сынадылар, - дип яза мәдәният йорты сәнгать җитәкчесе Флюрә Җәммәтова.