Мулла Илендә милли йолаларга бай Авыл көне узды

Ә менә Мулла Иле халкы өчен бу бәйрәм үткән шимбәдә аерым бер үзгә төс алып, "Авыл көне" булып гөрләде. 

Чара бик матур татар йоласы белән башланып китте: авыл яшьләре, өлкәннәр урам буйлап җырлап-биеп йөрделәр. Хуҗабикәләрдән, яшь киленнәрдән бәйрәм өчен махсус әзерләнгән бүләкләрне җыеп, халыкны мәйданга чакырдылар. Бәйрәмнең ачылышы исә күз явын алырлык хореографик композиция белән башланып китте! 🕺

Тантаналы өлештән соң, бөтен игътибар мәйдан уртасына юнәлде. Биредә олысы-кечесе милли уеннарда үз көчен сынашты:

•  Сулы чиләкле көянтә белән йөгерү
•  Чүлмәк вату һәм йон эрләү
•  Капчык киеп сикерү, аркан һәм таяк тарту
•  Җәйге чаңгыда ярышу
• 🥄 Йомыркалы кашык кабып йөгерү
•  Һәм иң кызыгы — су салынган табакта суы беткәнче биешү!

Үзешчән җырчыларыбызның дәртле һәм моңлы җырлары бәйрәмгә аерым бер ямь өстәде. 

Милли уеннардан соң халык иң көткән мизгел — татарча көрәш башланды! 🤼‍♂️ Быелгы бәйрәм батырлары булып түбәндәгеләр калды:

 Яшүсмерләр арасында — Әмир Шәйхуллин

 Яшьләр арасында — Булат Ганиев

- Күңелле, ярышларга бай Авыл көне бер мизгелдә узды да китте. Авылдашларыбыз, килгән кунаклар рәхәтләнеп ял итте. Быелгы бәйрәм үзенең бәхетле мизгелләре, җылы очрашулары белән хәтеребездә озак саклансын, яңа эшләргә рухландырсын, - дип яза мәдәният йорты мөдире Рәзинә Сәйфетдинова.