Күгеш авылында «Алма Спасы — җәй бездән китә!» дип исемләнгән күңелле фольклор кичәсе узды

Алма турында кызыклы мәгълүматлар тыңладылар, табышмаклар чиштеләр, мәкальләр әйттеләр, викторинада һәм төрле күңелле бәйгеләрдә катнаштылар.
Кунаклар «Алма түгәрәк буенча», «Макталган алма» кебек кызыклы уеннарда да үзләрен сынап карады. Кичә ахырында кунакларны хуш исле алма бәлеше, бал һәм тәмле чәй белән сыйладылар. 

Бәйрәм җылы һәм күтәренке кәефтә узды. Мондый чаралар туган ягыбызның матур гореф-гадәтләрен искә төшерергә, аларны кадерләп сакларга ярдәм итә.
Туган җиребезнең тарихын һәм традицияләрен бергәләп саклыйк! 

Чыганак: Күгеш мәдәният йортының «ВКонтакте» төркеме