Бишнә мәдәният йорты: каникулларда балалар өчен тарихка сәяхәт үткәрделәр

Бу көннәрдә безнең «Туган якны өйрәнү» музеенда яшь кунаклар — кызлар һәм егетләр булды. Музей буйлап экскурсия генә түгел, ә чын «тарихка сәяхәт» килеп чыкты!

Балалар әби-бабаларыбызның көнкүреше белән танышып кына калмадылар, үзләре дә эшкә керештеләр:

• Сырлы бәләк белән кер үтүкләп карадылар;
• Гөбедә май атладылар;
• Орчыкка эрләнгән йон җебен җыйдылар.

- Балаларга музейда бик ошады, алар өчен бу яңа һәм кызыклы дөнья булды, — дип бүлешә сәнгать җитәкчесе Рахилә Сабирова.

Тарихны белү — үз тамырларыңны хөрмәт итү дигән сүз. Каникулларның һәр көне шулай якты истәлекләр белән тулсын!