Кәбестәле помидор: кышка әзерләү өчен тәмле рецепт

Фото: ясалма интеллект программасыннан алынды

Кирәкле ингредиентлар:

► помидор – 700–750 г
► кәбестә – 250 г
► татлы борыч – ½ данә
► кишер – ⅓ данә
► сарымсак – 3–4 тырнак
► укроп, петрушка – тәменчә
► хуш исле борыч – 2–3 борчак
► кара борыч – 4 борчак
► дәфнә яфрагы – тәменчә
► 9 процентлы аш серкәсе – 1,5 аш кашыгы
► шикәр комы – 2 аш кашыгы
► тоз – 1 аш кашыгы
► кайнар су – кирәк кадәр

Әзерләү тәртибе:

Кәбестәне саламлап турап, зуррак табакка салыгыз. Татлы борычны дүрт өлешкә бүлеп, шулай ук саламлап турагыз. Кишерне корейча кишер өчен кулланыла торган кыргычтан уыгыз. Барлык яшелчәләрне бергә яхшылап болгатыгыз. Ике литрлы банканың төбенә укроп «зонты», петрушка, дәфнә яфрагы, сарымсак һәм ике төрле борыч салыгыз. Помидорларның төбен тишкәләп, банканың төбенә бер кат итеп тезегез. Өстенә кәбестәле катнашма салыгыз. Шул рәвешле, помидор һәм кәбестәне катламлап, банканы тутырыгыз. Аннары банкаларга кайнар су коеп, 20 минут чамасы тотыгыз. Банканы тишекле капкач белән каплап, суын кәстрүлгә агызыгыз. Һәр ике литрлы банкага 1 аш кашыгы тоз, 2 аш кашыгы шикәр комы һәм 1,5 аш кашыгы 9 процентлы аш серкәсе салыгыз. Суын кайнатып чыгарып, кабат банкаларга тутырыгыз. Банкаларны капкачлап ябыгыз һәм суынганчы җылы әйбер белән төреп тотыгыз.

Кышын ачуга ук өстәлдә беренче булып кәбестә бетмәсә ярый!