Үзеңә ышаныч – иң зур көч

– Күрәм, сезне нидер борчый бугай, – дигән ул. – Бүлешәсегез килмиме?
Эшмәкәр аңа үзенең проблемалары, акча җитмәве һәм күтәрелеп китү өчен банкларның кредит бирергә теләмәве турында сөйләгән. Карт бүлдермичә тыңлап торган һәм аннары:
– Мин сезгә ярдәм итә алам дип уйлыйм, – дигән.

Эшмәкәрнең исемен сораган һәм чек язып биреп, аптырашта калган ирнең кулына тоттырган.
– Алыгыз бу акчаларны. Нәкъ бер елдан соң биредә очрашырбыз һәм сез миңа аларны кире бирерсез.

Ир бер сүз дә әйтеп өлгерә алмый калган, карт кешеләр арасында юкка да чыккан.
Эшмәкәр чекка күз салган. Андагы тиешле графада шаккаткыч күләмдәге сумманы күргән, ә астарак дөньяның иң бай бизнесмены фамилиясе язылган булган.

«Мин барлык проблемаларымны мизгел эчендә юк итә алам!» – дип уйлаган ул. Тик моның урынына эшмәкәр чекны сейфка салып куярга карар кылган. Аның барлыгы турындагы уй гына да аңа бизнесын саклап калу юлын уйлап табарга көч биргән.

Кабат барлыкка килгән күтәренкелек белән керемле килешүләр беркеткән һәм түләү шартларын киңәйткән. Берничә эре финанслы эшләр майтарган. Берничә ай эчендә бурычларыннан котылган һәм акча эшли башлаган. Бер ел узгач, теге чекны кулына тотып, паркка килгән.
Карт та сөйләшенгән вакытта кабат пәйда булган. Ир инде чекны тапшырырга һәм үзенең уңышлары турында сөйләргә генә җыенган, каяндыр шәфкать туташы йөгереп килеп, картны эләктереп алган.

– Ниһаять, аны тота алуыма бик шатмын! – дип кычкырып җибәргән кыз. – Ул сезне борчымагандыр дип өметләнәм. Ул еш кына өйдән качып чыгып китә һәм кешеләргә үзен дөньядагы иң бай кеше дип сөйләп йөри.
Эшмәкәр шаккатып басып тора. Чекта язылган сумманың теләсә кайсы вакытта аңа ярдәм итәчәгенә тулаем ышанган хәлдә, ул ел дәвамында көпчәктәге тиендәй бөтерелеп, сатып һәм алып, бизнесын торгызды.
Шунда ул, аның тормышын үзгәртергә реаль яки ялган акча түгел, хәзерге вакытка булдырганына ирешергә үз-үзенә туган яңа ышанычы көч биргәнлеген аңлый!

Инициативаны үз кулыгызга алыгыз. Хәлиткеч мизгелдә бары тик ышаныч кына төп роль уйный.

Фото: ясалма интеллект программасыннан алынды