Табиб кисәтә! Заман авыруыннан сакланыйк

Инсульт – баш мие кан әйләнешенең кискен бозылуы, ул нерв күзәнәкләренең зарарлануына һәм үлеменә китерә. Инсульт бөтен дөньяда инвалидлык һәм үлемнең төп сәбәпләренең берсе булып тора. Аның  ике төрен аерып күрсәтәләр:

Ишемик инсульт яки баш мие инфаркты: баш миендә кан тамырларының томалануы нәтиҗәсендә барлыкка килә, бу исә кан белән тәэмин итүнең тукталуына һәм нерв күзәнәкләренең кислородсыз калуына китерә.

Геморрагик инсульт яки баш миендә кан саву: баш миендәге кан тамырлары шартлаудан килеп чыга, бу кан савуга һәм баш мие тукымасына зыян китерә.

Инсульт симптомнары:

• Баш әйләнү, хәрәкәт координациясен югалту.
• Сөйләм белән проблемалар барлыкка килү.
• Тәннең бер ягын сизмәү.
• Күз алды караңгылану, әйберләрнең ике булып күренүе.
• Кинәт көчле баш авырту.

Куркыныч факторлары:

• Өлкән яшьтә булу (бигрәк тә 65 яшьтән соң).
• Артериаль гипертензия.
• Канда холестеринның югары дәрәҗәсе.
• Атеросклероз.
• Тәмәке тарту.
• Шикәр диабеты.
• Симерү.
• Йөрәк авырулары.

Куркынычны киметәләр:

Әзер ризыкка өстәмә тоз өстәүдән баш тарту, тозлы продуктларны куллануны чикләү, шулай ук дөрес сайланган терапия.

Валерия Феоктистова,

Яшел Үзән медицина профилактикасы үзәге табибы