Яшел Үзән районы буенча Россия Эчке эшләр министрлыгы бүлеге хезмәткәрләре вакытлыча тоту изоляторына кесә телефоны тапшыру омтылышын туктаткан.
Фото: редакция архивыннан
74 яшьлек пенсионер хатын-кыз вакытлыча тоту изоляторына кесә телефоны тапшырырга тырышкан. Телефон урлашу кылган өчен хөкем ителгән оныгына билгеләнгән булган.
Посылканы тикшергәндә, полиция хезмәткәрләренең дару кабына шикләре төшкән. Аны ачкач, вакытлыча тоту изоляторы хезмәткәрләре тапшыру тыелган әйберне ачыклаган.
Хатын-кызга карата Россия Федерациясе Административ хокук бозулар кодексының 19.12нче маддәсенең 2нче өлеше нигезендә административ беркетмә төзелгән. Әлеге маддә сак астында тоту урыннарында булган кешеләргә мобиль элемтә чараларын теләсә нинди ысул белән тапшыру яки тапшырырга омтылу өчен җаваплылык билгели.
Суд карары белән пенсионер хатын-кыз административ җаваплылыкка тартылган. Аңа 25 мең сум күләмендә штраф салынган, кесә телефоны конфискацияләнгән.
Татарстан Республикасы буенча Эчке эшләр министрлыгы
Нет комментариев