Песи – дус кына түгел: алардан нинди авырулар йогарга мөмкин?

Фото: Рәзилә Хәйретдинова, «ЯҮ»

Кемнәр аеруча куркыныч астында?

Иммунитеты зәгыйфь кешеләр: сабыйлар, өлкән яшьтәгеләр, онкологик авырулары булганнар, ВИЧ/СПИД белән яшәүчеләр, шулай ук йөкле хатын-кызлар.

Иң еш очрый торган авырулар

• Песи тырнавы авыруы – песи тырнаганнан яки тешләгәннән соң барлыкка килә: лимфа төеннәре зурая, температура күтәрелә.
• Пастереллёз – тешләүдән соң тире, үпкә, хәтта кан зарарланырга мөмкин.
• Сальмонеллёз – песи бәдрәфен чистартканда йога, эч китү һәм температура белән уза.

Паразитлар һәм гөмбәчекләр

Борчалар – глистлар таратучы.
Корчаңгы — көчле кычыту һәм тире кызаруы белән билгеләнә.
Лишай – тиредә түгәрәк таплар барлыкка китерә.

Аеруча куркыныч авыру

Котыру (бешенство) – үлемгә китерә торган вируслы авыру. Шуңа күрә песиләргә вакытында прививка ясату бик мөһим.

Ничек сакланырга?

• Песигә кагылганнан соң кулларны юыгыз
• Песи бәдрәфен перчатка белән чистартыгыз
• Песиләрне вакытында прививкалагыз
• Борчаларга каршы эшкәртү үткәрегез
• Яраларны песигә ялатмагыз
• Песиләрне урам хайваннары белән аралаштырмагыз

Исегездә тотыгыз: песине ярату – аның һәм үзегезнең сәламәтлекне саклау дигән сүз.