Кайсы ярма нерв системасы, йокысызлыкны һәм депрессияне профилактикалый?

Кукуруз боткасын диетологлар организмнан зарарлы холестерин шлакларын яхшы чыгаруы өчен бәяли. Ә чистартылмаган кукуруз мае аппетитны киметә һәм бу ябыгуга ярдәм итә. Кукуруз боткасы файдалы, чөнки анда йөрәк-кан тамырлары системасының эшләве өчен кирәкле К витамины күп.

Шунысы кызыклы: традицион рәвештә кукуруз үстерелгән тирәлектә яшәүчеләр һәм аны кулланучылар йөрәк авыруларыннан сирәгрәк интегә.

Кукуруз боткасының файдалы үзлекләре Е витаминының күп булуына бәйле, ул картаю белән көрәшә, чәч һәм тире торышына уңай йогынты ясый.

Кукурузда:

• нерв системасы, шулай ук, йокысызлыкны һәм депрессияне профилактикалау өчен кирәкле В төркеме витаминнары,
• иммунитетны күтәрә һәм җыерчыкларны кисәтә торган С витамины,
• сөякләрне нык, ә тешләрне сәламәт итә торган D витамины,
• битнең матур төсе һәм канның дөрес сос­тавы өчен кирәкле тимер,
• йөрәкне саклаучы һәм матдәләр алмашына уңай йогынты ясаучы калий белән магний бар.

Кукуруз боткасының токсиннарны зарарсызландыру, иммунитетны саклауны стимуллаштыру, орга­низмда матдәләр алмашын нор­маль­ләштерү, нерв системасын тынычландыру һәм үт суын кудыруга тәэсир итү кебек файдалы үзлекләре билгеле.