Балык пешерим дисәң

Катырылган балыкны эреткәннән соң, аның сусыллыгын югалтканын, шуның аркасында коры һәм таралып китүчән булуын һәр хуҗабикә белә. Әле кайберсеннән бик үк күңелгә ятмаган ис тә килергә мөмкин. Түбәндә язып үтеләчәк ысул белән әзерләсәгез, балыгыгыз тыгыз, сусыл һәм бик тәмле булыр.
Очсыз гына минтайны да горчицалы соуста байларча итеп була.

Балыкны чистартабыз, юабыз. Аннары су, тоз һәм шикәр комы эремәсе әзерлибез. Моның өчен 40 градуска кадәр җылытылган бер литр суга берәр аш кашыгы тоз белән шикәр комы салып эретергә кирәк. Шуңа бер яки сәгать ярымга балыкны салып куярга.

Болай иткәндә күзәнәк ләр сыеклык белән тула, балык сусылрак һәм тәмлерәк була. Шулай ук, начар исе дә бетә.
Пешерер алдыннан балыкны кәгазь салфетка белән корытыр га һәм үзегез теләгәнчә әзерләргә. Гади генә итеп кыздырган очракта да балыгыгыз тәмле һәм сусыл булачак.