Вакытыгызны бушка очырмагыз

Фото: ясалма интеллект

Галимнәр кешенең тормышы нәрсәгә киткәнен якынча исәпләп чыгарган тикшеренү уздырганнар. Алар уртача 70 яшьтә гомер озынлыгын исәпкә алып шундый нәтиҗәләргә килгәннәр:

• 25% вакытын кеше йокыга сарыф итә. Бу якынча 24 ел. Уртача без көненә 6-8 сәгать йоклыйбыз.
• 20% эшкә. Бу якынча 17 еллык хезмәт, ә көненә ул 7-8 сәгать.
• Ашау - эчүгә 5 %, бу 4 елны тәшкил итә. Кешенең гадәттәгечә көненә уртача өстәлгә сәгать ярым чамасы вакыт сарыф ителә.
• 5% торак төзекләндерүгә. Мәңгелек ремонт безнең тормышыбызның егерменче өлешен алып тора.
• 10% - ул транспорт чыгымнары: өйгә кайту, эшкә, укуга, кунакка бару һ.б. моңа өстәп бөкеләрдә (пробкаларда) тору. Уртача алганда, бу безнең гомеребезнең 7-10 елы.
• Вакытның якынча 5 % ул гигиенага, тәнне карауга китә.
• Даруханәгә, Табибка һәм дәваханәләргә баруны да кертеп, вакытның 10% ы сәламәтлеккә. Бәлки, бу вакытны без ашарга һәм артык йокларга вакытны кыскартып кыскарта алыр идек.
• Вакытның 10% кешеләр белән аралашуга китә. Элемтәнең заманча мөмкинлекләрен исәпкә алып, мөгаен, аралашуга бераз күбрәк тә китәдер.

Ә калган 10% кая китә дип уйлыйсыз? Китаплар, интернет, телевизор, уеннар кебек «вак-төякләре», яки башкача "тормышның кечкенә генә шатлыклары" әкренләп минут саен минутны бездән алып китәләр. Ком сәгатьләрендәге өске өлешеннән аскы өлешенә коела торган ком бөртекләре кебек. Син аларны күзәткәндә, бу «зур югалту түгел» кебек тоелса да, ләкин соңгы ком бөртеге төшү белән синең исәпләүләреңнең тупаслыгын тиз аңлыйсың.

Аллаһы Тәгалә Кудси хәдисендә болай ди: "Мәрхәмәт һәм бүләкләр сезне бозды һәм тәкәббер итте, ә озын гомергә өметләр сезне алдады. Сез сәламәтлегегездән һәм иминлегегездән файдаланмыйсыз, чөнки сезнең көннәр санаулы, сулышларыгыз санаулы, сез үзегездә булган вакыттан файдаланырсыз".

Ашау, аралашу, йокы, гигиена, сәламәтлек – кеше булдыра алмаган нәрсәләр, моңа вакыт бүлеп бирү аның өчен бик мөһим. Ләкин без аларга күпме вакыт сарыф итүебездән бигрәк, тормышыбызның көндәлек вак-төякләренә нинди мәгънә салуыбыз мөһим әле. Без боларның барысын да ни өчен эшләвебезне аңласак, тулырак, мәгънәлерәк тормыш алып бара алабыз.

Хәбир Ханов, Догалы йорт