Тормышыңда нәрсәдер җитми икән, шуны башкаларга бирә башла

Фото: Рәзилә Хәйретдинова, «ЯҮ»

Балачакта әти-әниләрдән ишетеп үстем бу сүзләрне. Тик ничек эшләвен үзем, тормышымда куллана башлагач кына аңладым.

Акчаң җитми икән – булдыра алганча сәдака бирүне арттыр, игътибар җитми икән – үзең башкаларга игътибарны күбрәк күрсәт; белем җитми икән – үзеңдә булган хәерле белемне башкалар белән бүлешә башла. Бу чыннан да шулай эшли! Логик акыл белән уйласак, синдә нәрсә җитми шул әйберне эконмияләп, “кысып” тотарга кирәк бит. Ә динебез киресенчә өйрәтә: юк, ул әйберне башкалар белән бүлешергә кирәк,- ди. Тик бик мөһим моментны онытмагыз: Аллаһ ризалыгы өчен дип бүлешергә кирәк. Ниятебез дөрес булса, Аллаһ Тәгалә тагын да күбрәк, хәерлерәк гыйлем, ярату, байлык белән бүләкләр, Иншаллаһ!

Минем тәҗрибәмдә мондый хәлләр очрап тора.

Альбина Фазлыева блогыннан